Basaren fredag byrjar kl. 19.00. Som vanleg har elevlaget, som står som arrangør for basaren, skaffa mange flotte gevinstar.
På Lundeneskvelden sundag blir det møte både klokka 18.00 og 20.00.
- På møtet kl 18.00 vil me ha fokus på Kina, og tidlegare misjonær Per Gunvald Haaland vil delta. Klokka 20.00 er det misjonskveld. Her talar tidlegare lærar på Lundeneset, Sigurd Haugland over temaet “Verda treng Kristus, og Kristus treng deg”, opplyser ansvarleg for arrangementet, Rolf Hauge.
Alise Håland, Aashild E. Kristoffersen og Ranveig Størkersen deltek med song på møta.
- Mellom samlingane blir det sosialt samvær og kveldsmat i matsalen, held Hauge fram.
Føremålet med Lundeneskvelden er å invitera elevar, foreldre og venner av skulen til samlingar der misjon er hovudtemaet.
