- Me er ikkje så leie oss for dette, fortel medieelevane Line Svåsand og Maria Haug.
Den praktisk-munnlege eksamenen i media skulle vore gjennomført i dag, men på grunn av streik i det offentlege kom det ingen sensor frå sørfylket til Lundeneset.
- Er det ikkje litt dumt at eksamen berre blir avlyst når de førebudd dykk i to døgn?
- Nei. Då eg såg meldinga på infoskjermen i dag tidleg vart eg svært overraska, men likevel letta over å sleppa eksamen, seier Line.
Maria er samd. Førebuing er éin ting, men å framføra for ein ukjend sensor ein heilt annan. Derfor er ho glad for å sleppa.
