Rogaland Krf har i desse dagar besøk frå ei gruppe frå det kristendemokratiske partiet BCD frå Kviterussland. Dette er eit parti som strevar med å få registrert seg, og dei må arbeide under trussel om fengsling og forfølging frå statsmakta. Torsdag ettermiddag kom delegasjonen til Lundeneset, der elevar og lærarar fekk eit innblikk i korleis det er å arbeida under forhold som er alt anna enn demokratiske.
Kviterussarane kunne fortelja om politisk forfølging, valgjuks og anna som vert gjort for å halda demokratiet nede i det som vert kalla det siste diktaturet i Europa. Dei frammøtte fekk seg ein kraftig tankjevekkjar fire dagar før me sjølve skal gå til valurnene.
