Onsdag 21. oktober arrangerte russen ved Lundeneset vgs i Ølensvåg sitt årlige misjonsløp. Det fungerer slik at kvar deltakar skaffer sponsorar som støttar med eit beløp for kvar kilometer som blir sprunge.
- Me fekk inn over 450.000 kroner. Eg blei heilt rørt då eg høyrde resultatet, seier russepresident Magnus Notland i ein kommentar.
Flesteparten av elevane på skulen, pluss nokre barn, deltok i misjonsløpet. Den personen som fekk mest sponsorinntekter, samla inn nærare 23.000 kroner åleine. Pengane som er samla inn går til russen sitt misjonsprosjekt i Bolivia.
