Alle turforeningar treng ein leiar, og på Lundeneset er det tredjeklassing Mari Eggebø som står for organisering og generell leiing. Noko ho tykkjer er kjekt. - Å gå tur er for alle! Du treng ikkje ein gong å gå tur for å vera med i turforeningen! Alle får lov å vera med!
Lundeneset turforening har eit poengsystem - der du tener opp poeng for kvar tur du går. - Det er enkle turar som gir få poeng, men så har me harde turar som gir mykje meir. Den tyngste turen - Bukkanibba - får du 20 poeng for, fortel leiar Eggebø.
Og som ei gulrot der framme: Dei som samlar over 50 poeng, er med i trekninga om gromme premiar. Men som alle som går på tur veit: Den verkelege premien er dei fine opplevingane du får ute i naturen. Det er sikkert alle i Lundeneset turforening aldeles einige i. Vil du bli med? Hykk tak i Mari! Aldeles gratis er det også.
