Middagsfest er det forsåvidt ofte på Lundeneset. Komledagane er vel kanskje dei mest populære. Men å berre skriva middagsfest på menyen, er ikkje heilt vanleg. Me måtte difor lura oss inn på kjøkkenet rett før serveringa starta for å finna ut kva i all verda dette her var for noko.
På kjøkkenet fann me heile kjøkkengjengen i sving med å trylla fram alskens herligheter. Dei hadde fått besøk frå Ingrid Brekke frå Toro, som hadde med litt av det dei har å by på. Her var både kjøttboller, diverse salatar, pizzabaguettar og kyllingrullar. - Det er jo litt kjekt å gjera noko ekstra av og til, og dette er noko me har jobba for å få til i lang tid, fortel kjøkkenleiar Solveig Hetland. - Eg vonar det fell i smak, og at det er noko me kan få til seinare og, seier Solveig. Ingrid Brekke jobba i mange år i restaurantbransjen, før ho gjekk over til å jobba for Toro. - Det er kjekt å vera med på slikt som dette, og eg vonar elevane likar maten vår, seier ho.
Etter det me kunne observera, vart det ein aldri så liten fest av det, midt i kvardagen.
