Så mange som 86 elevar har søkt skulen, og det er endå tidleg på året.
- Tal frå same tidspunkt i fjor viser at me ligg litt høgare i år. Me gler oss spesielt over at me i år har mange fleire søkjarar til VG1 service og samferdsel, opplyser Torleiv Åreskjold, studie- og administrasjonsleiar ved Lundeneset.
Han ser gjerne at fleire søkte VG3 påbygging til generell studiekompetanse.
- Dessutan har ingen VG3 medium og kommunikasjon som førsteval, legg han til.
I byrjinga av mars byrjar skulen å senda ut opptaksbrev til dei som er komne inn. Sjølv om søknadsfristen er 1. mars, går det an å søkja seinare. Då hamnar ein automatisk på venteliste med dei som søkte før fristen.
Åreskjold understrekar at det har blitt litt strengare for søkjarar frå Rogaland dette skuleåret. Dei er nøydde til å søkja både på VIGO og på papir til skulen. Dette året vil skulen vera strengare med at ein ikkje tek opp søkjarar som ikkje har det same valet også i VIGO. Men eleven kan ta kontakt med inntakskontoret og endra VIGO-søknaden.
