Sist torsdag var gymsalen på Lundeneset rigga om til ein stor møtesal. Scene, lys- og lydutstyr var på plass, og Vision-teamet kunne ønskja velkommen til det første av møta med tema “Løft blikket” denne langhelga. Fredag kveld var det ungdomsgudstenste på skulen, og då hadde òg deltakarane på Venne-helga kome.
Ei Vision-helg inneheld blant anna møte, song, “God morgon Neset”, seminar, kafé og sosiale aktivitetar. Teamet som besøkte oss i år held til i Bergen, og består av 20 talarar, musikarar, møteleiarar, forsongarar og andre medhjelparar.
I tillegg bidrog russen ved skulen med aktivitetar og opplegg.
Tilbakemeldingane på helga har vore positive. - Elevane synest det har vore veldig bra, seier ungdomsarbeidar Eirik Stensland, som òg kan fortelja om godt oppmøte i forbønsrommet.
