Konsert med Voice of Joy er formidlingsglede, flott song og god stemning. Onsdag kveld vitja koret frå Karmøy Lundeneset - og rundt 400 personar kom til gymsalen for å oppleva vakker førjulssong. Fleire i koret har og gått på Lundeneset - og for dei vart nok kvelden ekstra gild. Gymsalen dei ein gong sprang rundt i var omgjort til smekkfullt konsertlokale.
Repertoaret denne kvelden var - naturleg nok - mest julesongar. Publikum fekk både høyra gamle klassikarar og ting dei nok ikkje har høyrt så mykje av før. Koret overbeviste med flotte tolkningar av juleklassikarane. Då konserten var ferdig, og det vart servert graut ute i gangen, var omkvedet om at dette måtte bli eit årvisst arrangement.
